कॉम्प्युटरमध्ये स्क्रिनसेवर कसा बदलावा?

आपण जेव्हा कॉम्प्युटरवर काम करीत नसाल त्यावेळेस आपले काम समोर न दिसता त्या ऐवजी काहीतरी टाईमपास ऍनिमेशन दिसण्याकरीता स्क्रिनसेवर वापरले जाते. वॉलपेपर प्रमाणेच स्क्रिनसेवर सुरु करताना अथवा बदलण्यासाठी सुरवातीच्या कॉम्प्युटरच्या रिकाम्या जागेवर माऊसने राईटक्लिक करुन 'Properties' ह्या बटनावर क्लिक करावे. आता समोर आलेल्या चौकोनातील वरील मेनूबारमधिल 'Screen Saver' ह्या विभागावर क्लिक करावे. आता समोर मध्यभागी कॉम्प्युटर असेल व त्याच्या खाली 'Screen Saver' या नावाखाली असलेल्या यादीवर क्लिक करुन एक-एका स्क्रिनसेव्हर वर क्लिक केल्यास वरील कॉम्प्युटरवर निरनिराळे ऍनिमेशन होताना दिसतील. त्यातील आपणास हवे असलेले ऍनिमेशन निवडून 'OK' वर क्लिक केल्यास तो स्क्रिनसेव्हर आपल्या कॉम्प्युटरवर सुरु होतो. पण ज्यावेळेस आपण कॉम्प्युटरवर काम करीत नसाल तेव्हाच ते ऍनिमेशन सुरु होईल. जेथे स्क्रिनसेव्हर बदलण्याची यादी असते तेथेच खाली तॊ स्क्रिनसेव्हर किती वेळाने सुरु व्हावा यासाठी वेळ देण्याची सॊय केलेली असते. तेथे आपणास हवा असलेला वेळ दिल्यास जेव्हा आपण कॉम्प्युटरवर काम करीत नसाल तेव्हा तेवढ्या वेळाने तॊ स्क्रिनसेव्हर सुरु होईल.